اخبرني زميل متخصص بجراحة العظام و الكسور
بأن اشعات الكويتيون المصابين بالكسور تعرض
بالمؤتمرات الطبيه العالميه و ذلك لأن الكويت واحده
من أعلى الدول بحوادث السيارات .

و تقريبا لا توجد عائله كويتيه لم تفقد أحد ابناءها
بحوادث السيارات .

و الآن مع البلاك بري و الآيفون و استخدام خدمة البي بي
او المسجات اثناء السياقه فإننا معرضون للمزيد من الحوادث .

ارجو مشاهدة الفيديو التالي على الرغم من قساوته ... حتى نتعظ





Posted by Aref Alabbasi الخميس، 29 يوليو، 2010

6 comments

  1. امبيه شنو هذا الفيديو ؟


    اخاف اشوف

    تدري يا عزيزي ان بالجريدة ايقوللك فقدنا 12 شخص بس بسبب حوادث السيارات خلال اسبوع


    اي تذكرت شي صار لي امس

    دكتور كنت طالعة بالمنطقة العاشرة ووقفت باشارة بروحي
    ولا ايي واحد ويقحص بنص التقاطع والناس حاطه ايدها على خدها وتنطره يخلص عشان تمشي
    والله حسيت انه بيدش فيني
    يوم راح جان امشي ووقفت بالاشاره اللي بعدها على طول
    يوم فجت حق اللي جدامي جان ايي واحد هم ويا رفيجه ويشخطون علينا يعني نص تقحيصه
    انزين ما تخاف تقلب !!
    ما تخاف تفقد السيطرة وتدش باحد

    امبيه حسيت اني بغابة حسبي الله عليهم

     
  2. ri7ana Says:
  3. في دراسه اثبتت ان كل مازاد ارتباط الانسان بالتكونلوجيا يصير بليد وعديم الاحساس وعشان جذي لما تكلم واحد متعلق بالبي بي تقول خطر اثناء القياده وشوف رفيجك افلان توفى امس يقولك الله يرحمه !
    مافي اتعاض ولا خوف ولا حتى يفكرون باهلهم المساكيين :)

     
  4. الحمدالله على السلامه زين مادشو فيج اللي يقحصون ليش ماتدرين اكثر المراهقين ماكو شغل اللى التقحيص بشوارع ومصافط المدارس هههههههه
    الله يهديهم انشالله

     
  5. ههههه سلامتج من شبابنا المراهقين زين مادشووو فيج تدرين ليش يقحصون بالشوارع لان سكروو نادي السيارات وعلشان جذي قعدو يقحصون بالشوارع ومواقف المدارس
    بس ادعي الله يهديهم انشالله

     
  6. جبريت Says:
  7. بما اني ولد المنطقه العاشره

    فأنا متعود على منظر ناس تقحص وتشفط جدامي واعرف الغشيم من الفاهم بهالسوالف بمجرد ان يبدأ تقحيصته الاولى

    اما بالنسبه للحوادث من البي بي انا من الناس كدت وكنت على شفا حفره بسبب واحد يستخدم البي بي نام علي نومه وانا ما يميني غير شاحنه راح ادش تحتها بسبب حجم السياره الي كنت فيها

     
  8. والله اخووي عيزت وانا انصحه غير انه يسرع وسواقته الله بالخير يمسك هالتلفون ويسوولف ويهد السكان.. بوريه المقطع يمكن يحس شوي

     

Subscribe here