هل تعلم ما هو هذا المرض الجلدي ؟
هل تعلم بأنه يوجد الآن تطعيم لهذا المرض يساعد
ابنك بالوقايه منه و تجنب بقاء آثاره على الجلد بقية
عمره اذا اصابه المرض ؟

Posted by Aref Alabbasi الخميس، 3 يونيو، 2010

15 comments

  1. نمووول Says:
  2. للأسف ماعندي اي معلومة عن المرض
    بس البركة فيك دكتور توعينا :)

    مساءك ورد ,,

     
  3. دلال Says:
  4. هلا دكتور
    بدايه اشكرك كثيرا على هالمدونه التي يعم خير معلوماتها على الجميع
    هالمرض هو جدري الماء المعروف لدينا بابو شنيتر ومادرى من ين يابو اجدادنا هالاسم سوف ابحث عن اصل هالكلمه
    وهناك تطعيم لهالمرض في المستشفيات الخاصه مثل رويال حياة لكن سؤالي هل التطعيم مفيد والا نخلي عيالنا يتعرضون له وجسمهم يقاومه طبيعي لان خوفنا من هالتطعيم انه يتحول المرض الى شى اصعب واكثر خطوره
    تقبل تحياتي و تشكراتي

     
  5. عثماني Says:
  6. مساك الله بالخير دكتور

    هذا ابو شنيتر .. و اعتقد ان هناك من يسميه عقنقز

    :)

    سامع ان اكو تطعيم ضده الحين ... بس يقال ان من الافضل ان يصيب الطفل لان في حاله الاصابه ما يرجع مرة ثانية

    وهو خطر على البالغين

    مادري اذا معلوماتي صحيحة والا خرطي

    :)

     
  7. حقوقي Says:
  8. اعتقد هذا اللي نسميه العنقز
    واعتقد اسمه الطبي الجدري او شي من هذا القبيل ...

     
  9. chicken box
    صندوق الديايه ههههههه :) اسما

     
  10. Rawan Says:
  11. عقنقز

    ايي في تطعيم له
    والتطعيم مايخلي الطفل مايصيبه بس يكون اخف بوايد من بدون تطعيم

    انا ولد عمتي طعمته تقول مابي ولدي يتعذب وبس طلع بجسمه حبتين وراحوا بسرعه

     
  12. SAKIKO Says:
  13. أعتقد أنه
    Smallpox ؟ اللي هو الجدري
    نحن نسميه بوشوكة XD
    لو كان أبوشوكة أتذكر أننا في المدرسة الابتدائية حالما نسمع أن شخص ما بيننا مصاب به نبتعد عنه لفترة
    وحاول أبوبكر الرازي أنه يكتشف له علاج لكن مانفع بشكل جيد
    ولكن العالم إدوارد جينر أكتشف له علاج بتطيعم بالجدري تبع الابقار مخفف
    على حسب معلوماتي
    هذا لو كان هذا هو المرض XD
    مشكور طبيب

     
  14. زهراء Says:
  15. سلام عليكم
    هذا المرض حاش بنت اختي
    واهو عبارة عن فايرس بالجلد ينتشر مثل الجدري و يطيب بعد اسبوع
    بس وايد متعب لان الياهل حرارته ترتفع وتعبان مايقدر يمشي
    ومايروح بسرعه
    الله يعين الي يحوشه الحمد لله تشافت بنت اختي

     
  16. eeeeee
    هذا
    chicken pox
    يعني صندوق دياي ههههه





    انزين دكتووووووووووووووور بليز
    عندك حل حق الناس اللي نومهم ثقيل :/


    والله اعاني من هالمشكله


    وسؤالي ..


    ليش في ناس يقدرون يكونون الساعة 7 وربع بالدوام
    وفي ناس ثانيين تروح عليهم نومه وما يقعدون الا متأخر ويطلعون متأخر ويوصلون متأخر وراسهم يعورهم ...... الخ


    المشكلة دكتور اني ما اقوم حق صلاة الفير
    دكتور في بنات كانو معاي بالثنوية من ايام الثنوية لي الحين واهمه محافظين على قعدة صلاة الفير
    وانا ما احس اصلا بصوت المنبه يدق لين يسكت

     
  17. دكتور انا اخر غير معرفة



    صج الحجامة تخفف النوم ؟





    ومشكور عزيزي

     
  18. نمووول
    دلال
    عثماني
    حقوقي
    صندوق الديايه
    Rawan
    SAKIKO
    زهراء

    معلوماتكم جيده فهذا مرض جلدي يسببه فيروس سريع العدوى و للمرض اسماء عديده منها جدري الماء او بو شنيتر او عقنقز ....
    و حاليا يوجد تطعيم فعال لهذا المرض يجنب الطفل العدوى و الآثار التي يتركها المرض على الجلد .
    و ممكن أخذ هذا التطعيم اذا لم تصب بالمرض سابقا و التطعيم متوفر بالمستشفيات الخاصه بالكويت

     
  19. غير معرف
    بالنسبه لنومك الثقيل
    انصحك بالنوم من 7 - 8 ساشعات يوميا على ان تكون ساعه العصر و الباقي بالليل و التعود على النوم مبكرا
    و لا انصحك بالحجامه

     
  20. الجدري المائي ..

    الجدري المائي يسبب طفح جلدي واذا اصيب به الطفل لا يصيب به مره اخرى لان بعد اصابة الجسم به تصبح لدى الجسم مناعه ضده ويقال انه خطر على البالغين اي ان لم ياتيهم بصغرهم يكون خطر عليهم بسن البلوغ

    اتمنى ان تكون معلوماتي صحيحه وان اكون قد افدتكم ..

     
  21. دكتور ولدي عمره11 سنه وقد جاه العنقز او زي ما يسمونه الجدري المائي وهو صغير والحين طلع فيه نفس العنقز
    يعني طفح جلدي بس احمر ومتجمع عند يده ومنتشر بكل جسمه
    وبالبدايه جته حراره انا خفت اتمنى تقووولي وش ممكن يكون

     
  22. السلام عليكم دكتور
    ياريت تجاوبني عن سؤالي
    عندي بنت عمرها 6 سنوات
    انتقلت اليها عدوى جدري الماء عن طريق والدتي اللي هي مصابه بالحزام الناري
    لان بنتي في عطله صارلها اكثر من شهر وما اختلطت باطفال ولا طلعت للشارع
    مع العلم انها اخذت تطعيم ضد هذا المرض من هي صغيره حسب جدول لقاحات
    الحين بستعمل لها دواء مسح للتخفيف من الحكه وعطتني الدكتوره شراب التهابات
    وانا بحممها كل يوم بالصابون الديتول
    السؤال هو الحبوب بدت تصير لونها اسود وملمسها ملمس المسمار هل هذا جيد ؟
    والسؤال الثاني فالبيت احنه الكبار مصابين بالجدري من كنه صغار ممكن ينتقل النه عدوه منها الحين ؟؟؟


    ومشكور مقدما
    واسفه على الاطاله

    ام رنين من العراق

     

Subscribe here