والآن ونحن في نهاية شهر رمضان اعاده اللة علينا
و بداية العام الدراسي الجديد و نهاية اجازة الصيف
التي يتخللها دمار لنضامنا الغذائي والصحي.

علينا الإنتباه لما نأكل ، وانتقاء الأغذية بعناية ونتعامل
مع أجسامنا بإحترام ونتذكر دائما بأنها ليست كحاوية القمامة.

ولتحسين قدرة عقولنا وخصوصا ذاكرتنا أقدم لكم مجموعة
من الأغذية الصحية و التي أثبتت فاعليتها
بعلاج النسيان وتحسين الذاكرة وذلك لإحتوائها على
الأوميجا 3 و حمض الفوليك و مواد مضادة للأكسدة
و الفلافونايد والفيتامينات و منها:
  1. الأسماك و خصوصا التونا و السردين والأسماك النهرية.
  2. البيض و ذلك لإحتواءه على فيتامين B6 , E .
  3. اللحوم البقرية منزوعة الشحم.
  4. كبدة الدجاج و ذلك لإحتواءها على البروتينات والحديد والعديد من الفيتامينات.
  5. الخبز الأسمر .
  6. الدجاج والذي يحتوي على مادة الفنايل ألانين والعديد من الفيتامينات.
  7. الموز لإحتوائه على التيروسين والبوتاسيوم والمغنيسيوم و فيتامين B6.
  8. الألبان قليلة الدسم.
  9. الأفوكادو وذلك لإحتواءه على التيروسين والمغنيسيوم.
وسؤال طبيبك: ماذا تضعين لطفلك في شنطة الأكل عند ذهابه للمدرسة؟

Posted by Aref Alabbasi الجمعة، 18 سبتمبر، 2009

11 comments

  1. شوكولاة كت كات

    عصير سانكست

    شبس ( رقائق البطاطا )

    مصاصة الحلوى

    احيانا كرواسان وفطيرة جبن

    فطفلي يرفض الأكل الصحي نهائيا ولا يأكله

    تعبت معه

    :(

     
  2. كرواسون

    تفاحه خضرا

    baby carrot

    عصير او حليب أو لبن

    وهذا الشي تعودته من الحضانه لأنها مانعه الجنك فود

    يعني تقريبا حبة فاكهه + حبة خضرا + أي نوع صمون ياشغل بيت ياكرواسون جاهز + بسكوت حق فترة السناك + اي نوع من المشروبات

    على فكرة تقريبا عندي هوس غذاء صحي مع عيالي بس حيل تعبت معاهم يعني
    فترة زيارة الأهل اهي فترة الفري ياكلون اللي خاطرهم فيه

     
  3. أنا اللي علقت قل شوي
    بس حبيت أضيف شي

    على فكرة مع إني أهتم بتغذيتهم ما أحس نفعهم هالشي
    يلقطون اي فايروس بسرعه

    مرات أفكر أخليهم على هواهم

     
  4. صباحك ورد يا دكتور
    عمري 23 سنة وكنت اتمتع بذاكرة قوية والحمدلله وكان مخي نظيف بالثنوية
    بس فترة الجامعة انخفض تركيزي بشكل كبير وكذلك الذاكرة انمسحت وصرت ما اركز ولا اثبت المعلومات
    شنو الحل حق هالحالة ؟
    +
    هل تنصح بتمارين عقلية تمرن المخ بالاضافة الى الاغذية اللي حضرتك كتبتها ؟
    وكل عام وانت بألف خير

     
  5. غير معرف1
    هذا الأكل غير الصحي سيعلم ابنك عادات غذائية خاطئة تجعله يعاني من تسوس الأسنان و سمنة تؤرقه بقية حياته.
    فكري بالموضوع؟؟؟

     
  6. غير معرف2
    استمري على عاداتك الغذائية و مناعة اطفالك ستضعف أكثر اذا تحولتي للجنك فود

     
  7. غير معرف 4
    عليك قراءة المواضيع التالية

    http://www.tabeebek.com/search/label/مشاكل%20الذاكرة%20و%20النسيان

     
  8. عيالي الأثنين أكلهم بالمدرسة موزع على فسحتين :

    أي نوع من السندويجات اللي يحبونها ( بيض - جبن - لبنه - مرتدلا دجاج )

    عصير + حليب + زجاجة ماء

    أي نوع من الفاكهة

    أي نوع من المكسرات ( أفضل الفول السوداني )

    واذا اشتهوا بسكوت حطيت لهم بسكوت تمر أو حبتين تمر بروحهم

    لهم يوم في الاسبوع وهو الخميس ياكلون فيه كاكاو أو وجبات مفرحة

     
  9. عيالي الأثنين أكلهم بالمدرسة موزع على فسحتين :

    أي نوع من السندويجات اللي يحبونها ( بيض - جبن - لبنه - مرتدلا دجاج )

    عصير + حليب + زجاجة ماء

    أي نوع من الفاكهة

    أي نوع من المكسرات ( أفضل الفول السوداني )

    واذا اشتهوا بسكوت حطيت لهم بسكوت تمر أو حبتين تمر بروحهم

    لهم يوم في الاسبوع وهو الخميس ياكلون فيه كاكاو أو وجبات مفرحة

     
  10. أتيت متاخرة
    شغلك عدل

     
  11. انا بعد احب الاكل الصحي حق بنتي خصوصا اني انا كبرت وانا ما آكل لاسمك ولا لحم ولاشي ابدا وهذا رد علي عايدي ..والحين احاول اكل فواكه او خضروات على الاقل ..الحين اكلي كله صحي واحاول اكون صحيه
    المهم
    بنتي ماتحب تتيرق اصلا ولا اتحب تشرب لاعصير ولا حليب بكل انواعهم بس ماي ابي بطل ماي بس ؟؟حتى الككاو ماتحبه لما كانت اصغيره كنت اشكل لها (صمونه على اشكل اقصها +خضروات +فواكه +مكسرات )بس اتردها مثل ما اهيا او اتخليها بسياره وتنزل
    خذيتها حق الجمعيه واختاري شنو تبين تاخذينه للمدرسه ..تاخذ خرابيط وفي النهايه اتخليه بالثلاجه
    قالولي ان في امهات احطون حق بناتهم جكن ناقت او نادولز قلت من الصبح مايصير قلت ميخالف المهم ابيها تاكل ..انصدمت وقالت لالالا مابي ماراح اخذ شنطه الاكل
    عطيتها افلوس اشتري من المقصف
    تشتري حلاو مصاص او جلي (هذا الي اتحبه)
    ياريت يادكتور تعطيني حل ..لانه اهيا كله فيها خمول ومالها خلق حق الابله والشرح والتركيز مافي ..
    حتى لو قاعده بالعطله ماتحب تتريق مع اني انا احب الريوق والسفره مليانه بكل الانواع من الخبز والاجبان والبيض والبانكيك وكواسون ..اهيا ولا تلتفت اصلا ..متى تفتح ريجها الساعه 12 الظهر وتبي الغدى بس =)سويت لها تحاليل دمها زين مافيها شي ولا نفص حديد .

     

Subscribe here

Twitter Updates 2.2.1: FeedWitter

اسأل د. عارف