سحور طبيبك الصحي

اذا اردت ان تصوم وانت مرتاح وتقلل الصداع
والدوخة والعصبية اثناء الصيام
لا تفوت وجبة السحور وأخرها قدر المستطاع
وإليك أمثلة لسحور صحي يقدمها لك طبيبك

الإختيار الأول: ل
كورن فليكس مع حليب قليل الدسم
شريحة توست مع سلطة خضراء
مكسرات غير مملحة
تمر
سوائل

الإختيار الثاني:ب
صمونة لبنة قليلة الدسم
خضراءسلطة
موزه او تفاحة
تمر
سوائل

الإختيار الثالث:ل
شوربة خضار طازجة او عدس
شريحة توست
برتقالة
تمر
سوائل

الإختيار الرابع:ب
أرز مشخول
روب خالي الدسم
تفاحة
تمر
سوائل

الإختيار الخامس:ب
فول
خبزة
تمر
ماء

وسؤال طبيبك: ماذا تأكلون في وجبة السحور وعلى اي أساس يتم إختيارها؟؟

Posted by Aref Alabbasi السبت، 22 أغسطس، 2009

10 comments

  1. Sn3a Says:
  2. بالنسبه لي انا تفطرت كورن فلكس
    فبتسحر سلطه

    الحمدلله ماحسيت بشعور الثقل اللي يصاحبني كل رمضان بعد الفطور

    وشكرا على هالنصايح ماتقصرون
    وربي يتقبل صيامكم جميعا

     
  3. عاضّه Says:
  4. بصراحه يا دكتور ، اليوم يشهد الله اول ما فطرت اخذتلي بندولتين و نمت لي الساعه ثمان ونص من الصداع ، و تالي قمت و كملت فطوري ، و احاتي باجر و الدوام مادري شبيصير .
    وجبات السحور اللي ذكرتها اعتقد انها زينه ، بس مالت الفول هذي كلش مو شي ، انا مجربها ، تشتغل عندك الارياح لي عقب الظهر.
    و بارك الله فيك.

     
  5. C'est La Vie Says:
  6. انا ما آكل سحور
    يكفيني قلاص ماي عن العطش
    لأن اصلا انا بالايام العادية ما اتريق
    ادري ان غلط يا دكتور
    بس مادري اذا تريقت احس اني مثقلة طول اليوم حتى لو ماكلة خفايف


    طبيبنا ليش عقب الفطور نحس بدوخة؟
    وشنو الحل برايك؟

     
  7. عنيف Says:
  8. مشكور خيي على المعلومات القيمه

    بس عندي استفسار

    انا حاشني عوار بعظم الساق ودهنتها بفكس ودفيتها عدل بس تم العوار وبعدها قالو لي انها من الاملاح


    ويتقبل الله منك صيامك وعبادتك في رمضان

     
  9. طبيبك Says:
  10. Sn3a
    شكرا على تواصلك معنا

     
  11. طبيبك Says:
  12. عاضّه
    اعراض الفول الجانبية ممكن ان تسليك بالدوام:)

     
  13. طبيبك Says:
  14. C'est La Vie
    نحس بدوخة عقب الفطور لأن الدم يتركز بالجهاز الهضمي فنشعر بالتعب

     
  15. طبيبك Says:
  16. عنيف
    يجب عمل تحليل دم للتأكد من تشخيصهم واللي أعتقد بأنه غلط

     
  17. مبارك عليك الشهر..أنا فعلا الرمضان الي فات سحوري كرون فليكس وحليب قيل الدسم +تمر ...بس الحين روب بالفواكه كيديدي+موزه

    بس دكتور أنا بس آكل فطور وسحور بس أحس بتعب بينهم وأس أن ضغطي نازل ..فآكل على الساعه 11 اي شي الموجود شبس او ككاو او كيك
    فأنا أبيك تقترح لي شنو آكل بين الوجبات ..غير الفواكه لاني آكل الفواكه مع سحوري ...وشكرا لك

     
  18. الاجابه : اتسحر الموجود جدامي اي شي موجود
    فا الخيارات اللي موجوده الغالب (كورن فلكس دايما موجود)

     

Subscribe here